domenica 9 aprile 2017

Bos'c de stele 
by M. Noacco
E se un zorno lontan
un rèful,
ingropà de scusse
de ruspie parole,
se scondarà
in ta la grispa dei nostri pinsieri,
mi te portarò
indove l'acqua de l'Lisonz
se nega in ta'l mar.
Sentadi su un sas slissà
tamiseremo lagrime e ridade
fregule de note scura
e grani de luse 'nsempiada.
Contro la strigarìa de l'ora
robaremo 'na ramela de rosmarin
de tignir strenta in scarsela
fin che 'l bos'c de stele
se sfrisularà in ta'l mar.

Nessun commento:

Posta un commento

Nota. Solo i membri di questo blog possono postare un commento.